Maqedonci bashkë me kadetët vizituan ekspozitën në rikujtim të 1 mijë e 133 fëmijëve të vrarë gjatë luftës

11:50 | 18 Shtator 2024
E.G

Ministria e Mbrojtjes , Ejup Maqedonci tha se kadetët e Qendrës për Studime Universitare vizituan ekspozitën e hapur në rikujtim të 1 mijë e 133 fëmijëve të vrarë gjatë luftës në Kosovë.

Ai tha se sendet personale të fëmijëve të zhdukur të ekspozuar në këtë ekspozitë janë një kujtesë e përhershme se liria që e gëzojmë i ka rrënjët tek gjaku i dëshmorëve që nuk shlyhet, e te emrat e të vrarëve që nuk harrohen, shkruan Arbresh.info.

“Kadetët e Qendrës për Studime Universitare vizituan ekspozitën e hapur në rikujtim të 1133 fëmijëve të vrarë gjatë luftës në Kosovë. Sendet personale të fëmijëve të zhdukur të ekspozuar në këtë ekspozitë janë një kujtesë e përhershme se liria që e gëzojmë i ka rrënjët tek gjaku i dëshmorëve që nuk shlyhet, e te emrat e të vrarëve që nuk harrohen.”, ka shkruar ai./Arbresh.info/